مقبول بارگاہ
حضرت کے ایک مرید کو گوشت بہت پسندتھا،آپ نے فرمایا کہ گوشت زیادہ کھانے سے مزاج میں سختی پیدا ہو جاتی ہے، حضرت کے مرید مخلص قاضی حجت بھی اس وقت دسترخوان پرموجود تھے، حضرت کی زبانِ مبارک سے یہ سن کر گوشت کھانا بالکل چھوڑ دیا، اسی طرح ایک زمانہ گذرگیا۔ ایک دن کھاتے وقت حضرت کی نگاہ قاضی پر پڑی، دیکھا کہ گوشت بالکل نہیں کھارہے ہیں۔ پوچھا کہ تم کو گوشت نہیں پسند ہے۔ ایک خادم نے عرض کیا کہ قاضی حجت نے سات سال سے گوشت کھانا چھوڑ دیا ہے، شاید کسی دن حضور نے گوشت کھانے سے منع فرمایا تھا۔ اسی دن سے طبيعت گوشت سے ہٹ گئی،حضرت مسکرائے اور فرمایا کہ میں نے ان مرید کوسختی دل کی وجہ سے روکا تھا۔ دوسروں کے لیے یہ ہدایت نہیں ہے، اس کے بعد حضرت نے خوداپنے دستِ مبارک سے قاضی کو گوشت کا ایک ٹکڑا کھلایا اور فرمایا کہ طالبِ صادق کو مرشد کے امرنہی کی پابندی اسی طرح کرناچاہئے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972